1.
2. [PS]અલીહૂએ બોલવાનું ચાલુ રાખતાં કહ્યું કે, [PE][QS]“મને થોડો વધારે સમય બોલવા દો, અને હું તને બતાવીશ [QE][QS]કારણ કે હું ઈશ્વરના પક્ષમાં થોડા વધુ શબ્દો કહેવા માગું છું.” [QE]
3. [QS]હું દુરથી ડહાપણ લાવીને; [QE][QS]મારા સર્જનહાર ઈશ્વર ન્યાયી છે તે હું સાબિત કરીશ. [QE]
4. [QS]હું તને જણાવું છું કે તે ખરેખર સત્ય છે [QE][QS]કેમ કે જે સંપૂર્ણ જ્ઞાની છે તે તારી સાથે છે. [QE]
5. [QS]જુઓ, ઈશ્વર સર્વશક્તિમાન છે, અને તે કોઈનો પણ તિરસ્કાર કરતા નથી; [QE][QS]તે મહા બુદ્ધિમાન અને વિદ્વાન છે. [QE]
6. [QS]તેઓ દુષ્ટોને સાચવતા નથી, [QE][QS]પણ ગરીબોના હિતમાં સારું કરે છે. [QE]
7. [QS]ન્યાયી માણસ પરથી તેઓની દ્રષ્ટિ દૂર કરતા નથી, [QE][QS]પણ તેથી વિપરીત, તે તેઓને રાજાઓની સાથે સિંહાસન પર બેસાડે છે, [QE][QS]અને તેઓ સદા ઉચ્ચસ્થાન પર રહે છે. [QE]
8. [QS]જો, જેથી કરીને તેઓને સાંકળોએ બાંધવામાં આવ્યા છે, [QE][QS]અને તેઓ વિપત્તિમાં સપડાયા છે, [QE]
9. [QS]તેઓએ શું કર્યું છે તે તેઓને જણાવશે, [QE][QS]કે તેઓએ કરેલા અપરાધો અને કેવી રીતે અહંકારથી વર્ત્યા છે. [QE]
10. [QS]તે તેઓના અપરાધોથી પાછા ફરવાનો આદેશ આપશે, [QE][QS]અને શિક્ષણ તરફ તેઓના કાન ઉઘાડશે. [QE]
11. [QS]જો તેઓ તેમનું સાંભળીને તેમની સેવા કરશે તો, [QE][QS]તેઓ આયુષ્યના દિવસો સમૃદ્ધિમાં પસાર કરશે, [QE][QS]તેઓના જીવનનાં વર્ષો સંતોષથી ભરેલાં થશે. [QE]
12. [QS]પરંતુ જો, તેઓ તેમનું સાંભળશે નહિ તો, [QE][QS]તેઓ અજ્ઞાનતામાં જ મરણ પામશે અને તેઓનો નાશ થશે. [QE]
13. [QS]જેઓ નાસ્તિક છે તેઓ પોતાના હૃદયમાં ગુસ્સો ભેગો કરે છે; [QE][QS]ઈશ્વર તેઓને શિક્ષા કરે છે તેમ છતાં તેઓ મદદને માટે પ્રાર્થના કરતા નથી. [QE]
14. [QS]તેઓ તરુણાવસ્થામાં મરણ પામશે; [QE][QS]અને કૃપા વિના તેઓના જીવનો નાશ પામશે. [QE]
15. [QS]ઈશ્વર દુઃખીઓને તેઓના દુઃખમાંથી છોડાવે છે; [QE][QS]અને તે તેઓને જુલમ દ્વારા સાંભળતા કરે છે. [QE]
16. [QS]નિશ્ચે, તે તને વિપત્તિમાંથી બહાર લાવ્યા છે. [QE][QS]જ્યાં સંકટ ન હોય તેવી વિશાળ જગ્યામાં લઈ જાય છે [QE][QS]અને તને ખાવાને માટે પુષ્કળ પ્રમાણમાં ખોરાક પીરસ્યો છે. [QE]
17. [QS]તને એક દુષ્ટ વ્યક્તિની જેમ સજા થઈ છે; [QE][QS]ન્યાયાસન અને ન્યાયે તને પકડ્યો છે. [QE]
18. [QS]હવે તમે સાવધ રહેજો, જેથી સમૃદ્ધિ તમને ફોસલાવે નહિ; [QE][QS]અને મોટી લાંચ તને ન્યાય કરવાથી પાછો રાખે નહિ. [QE]
19. [QS]શું તારી અઢળક સંપત્તિ તને સંકટથી દૂર રાખી શકે છે, [QE][QS]અથવા તારી બધી શક્તિ તને મદદ કરી શકે છે? [QE]
20. [QS]અન્યની વિરુદ્ધ પાપ કરવાને રાત્રીની ઇચ્છા ન કર, [QE][QS]કે જ્યારે લોકો પોતાની જગ્યાએ નાશ પામે છે. [QE]
21. [QS]સાવધ રહેજે, પાપ કરવા તરફ ન ફર, [QE][QS]કારણ કે તને સંકટમાંથી પસાર કરાવ્યો છે કે જેથી તું પાપ કરવાથી દૂર રહે. [QE]
22. [QS]જુઓ, ઈશ્વર તેમનાં સામથ્ય દ્વારા મહિમાવાન થાય છે; [QE][QS]તેમના જેવો ગુરુ કોઈ છે? [QE]
23. [QS]તેમણે શું કરવું એ કોઈ તેમને કહી શકે ખરું? [QE][QS]અથવા કોણ તેમને કહી શકે છે કે, 'તમે અન્યાય કર્યો છે?' [QE]
24. [QS]તેમનાં કાર્યોની સ્તુતિ કરવાનું યાદ રાખ, [QE][QS]લોકોએ ગાયનો મારફતે તેમની સ્તુતિ કરી છે. [QE]
25. [QS]ઈશ્વરે જે કંઈ કર્યુ છે તે સર્વએ નિહાળ્યું છે, [QE][QS]પણ તેઓએ તે કાર્યો દૂરથી જ જોયાં છે. [QE]
26. [QS]જુઓ, ઈશ્વર મહાન છે, આપણે તેમને સંપૂર્ણપણે સમજી શક્તા નથી; [QE][QS]તેમનાં વર્ષોની સંખ્યા અગણિત છે. [QE]
27. [QS]તેઓ પાણીનાં ટીંપાં ઊંચે લઈ જાય છે [QE][QS]અને તેનું ઝાકળ અને વરાળ વરસાદમાં રૂપાંતર કરે છે, [QE]
28. [QS]તે વાદળોમાંથી પૃથ્વી પર વર્ષે છે, [QE][QS]અને મનુષ્યો પર પુષ્કળતામાં વરસાવે છે. [QE]
29. [QS]ખરેખર, વાદળોનો વિસ્તાર કેટલો છે [QE][QS]અને તેનાં ગગનમંડપમાં ગર્જનાઓ કેવી રીતે થાય છે તેને કોણ સમજી શકે? [QE]
30. [QS]જુઓ, તેઓ પૃથ્વી પર વીજળી ફેલાવે છે [QE][QS]અને મહાસાગરને અંધકારથી ઢાંકી દે છે. [QE]
31. [QS]આ રીતે ઈશ્વર લોકોને ખવડાવે છે, [QE][QS]અને તેઓને ભરપૂર ખોરાક પૂરો પાડે છે. [QE]
32. [QS]તેઓ પોતાના હાથથી વીજળીને પકડે છે, [QE][QS]અને તેને પાડવાની હોય ત્યાં પડવાને આજ્ઞા કરે છે. [QE]
33. [QS]તેઓની ગર્જના લોકોને આવનાર તોફાન વિષે ચેતવણી આપે છે: [QE][QS]તે જાનવર દ્વારા પણ સમાચાર પહોંચાડે છે કે તોફાન નજીક આવી રહ્યું છે. [QE]