1. સ્ત્રીજન્ય મનુષ્યનું આયુષ્ય અલ્પ છે, [QBR] અને તે સંકટથી ભરપૂર છે. [QBR]
2. તે ફૂલની જેમ ખીલે છે અને તેને કાપી નાખવામાં આવે છે; [QBR] વળી તે છાયાની જેમ જતું રહે છે અને સ્થિર રહેતું નથી. [QBR]
3. શું એવા પર તમે લક્ષ આપો છો? [QBR] શું મને તમારો પ્રતિવાદી બનાવો છો? [QBR]
4. જો અશુદ્ધ વસ્તુમાંથી શુદ્ધ ઉત્પન થાય તો કેવું સારું? પણ એવું બનવું અશક્ય છે. [QBR]
5. તેના આયુષ્યની મર્યાદા નક્કી કરેલી છે, [QBR] તેના મહિનાઓની ગણતરી તમારા હાથમાં છે. [QBR] તમે તેની હદ નક્કી કરી છે તેને તે ઓળંગી શકે નહિ. [QBR]
6. તમારી નજર તેમની ઉપરથી ઉઠાવી લો, જેથી તેને નિરાંત રહે. [QBR] જેથી મજૂરની જેમ તે પોતાનો દિવસ પૂરો ભરે ત્યારે તે આનંદ કરે. [QBR]
7. ઝાડને માટે પણ આશા છે; [QBR] જો કે તે કપાઈ ગયું હોય, પણ તે પાછું ફૂટી શકે છે, [QBR] અને તેની કુમળી ડાળીઓનો અંત આવશે નહિ. [QBR]
8. જો કે તેનું મૂળ જમીનમાં જૂનું થાય, [QBR] અને તેનું થડ જમીનમાં સુકાઈ જાય. [QBR]
9. છતાંપણ તેને પાણી મળવાથી તે ખીલશે, [QBR] અને રોપાની જેમ તેને ડાળીઓ ફૂટશે. [QBR]
10. પરંતુ માણસ મૃત્યુ પામે છે અને તે ક્ષય પામે છે; [QBR] હા, માણસ પ્રાણ છોડે છે અને તે ક્યાં છે? [QBR]
11. જેમ સાગરમાંથી પાણી ઊડી જાય છે, [QBR] અને નદી ક્ષીણ થઈને સુકાઈ જાય છે [QBR]
12. તેમ માણસ સૂઈ જઈને પાછો ઊઠતો નથી [QBR] આકાશોનું અસ્તિત્વ ન રહે ત્યાં સુધી તે જાગશે નહિ. [QBR]
13. તમે મને સંકટોથી દૂર શેઓલમાં સંતાડો, [QBR] અને તમારો ક્રોધ શમી જાય ત્યાં સુધી છુપાવી રાખો; [QBR] અને મને ઠરાવેલો સમય નક્કી કરી આપીને યાદ રાખો તો કેવું સારું! [QBR]
14. જો માણસ મૃત્યુ પામે, તો પછી શું તે ફરીથી સજીવન થશે? [QBR] જો એમ હોય તો, મારો છૂટકો થાય ત્યાં સુધી [QBR] હું મારા યુદ્ધના સર્વ દિવસો પર્યંત રાહ જોઈશ. [QBR]
15. તમે મને બોલાવો અને હું તમને ઉત્તર આપીશ. [QBR] તમારા હાથનાં કામો પર તમે મમતા રાખત. [QBR]
16. તમે મારાં પગલાંને ગણો છો; [QBR] શું તમે મારા પાપની તપાસ નથી રાખતા? [QBR]
17. મારાં પાપોને એક કોથળીમાં બંધ કરીને ઉપર મહોર મારવામાં આવી છે. [QBR] તમે મારા અન્યાયને ઢાંકી દો છો. [QBR]
18. નિશ્ચે પર્વતો પડીને નષ્ટ થાય છે, [QBR] અને ખડકો પોતાની જગાએથી ચળી જાય છે. [QBR]
19. પાણી પથ્થરોને ઘસી નાખે છે; [QBR] પાણીના પૂર જમીન પરની ધૂળ ઘસડી જાય છે. [QBR] અને તેવી જ રીતે તમે મનુષ્યની આશાનો નાશ કરો છો. [QBR]
20. તમે હમેશાં તેઓની પર જય મેળવો છો. અને પછી તે મૃત્યુ પામે છે; [QBR] તમે તેને ઉદાસ ચહેરે મોકલી દો છો. [QBR]
21. તેના દીકરાઓ માનવંત પદે ચઢે છે, પણ તે પોતે જાણતો નથી; [QBR] તેઓ દીનાવસ્થામાં આવી પડે એ વિષે પણ તે અજાણ છે. [QBR]
22. તેના શરીરમાં વેદના થાય છે; [QBR] તેનો અંતરઆત્મા તેને સારુ શોક કરે છે.'' [PE]