1. [QS]યહોવાહ આ પ્રમાણે કહે છે; [QE][QS]“મોઆબના ત્રણ ગુનાને લીધે, [QE][QS]હા ચારને લીધે, [QE][QS]હું તેઓને શિક્ષા કરવાનું ચૂકીશ નહિ. [QE][QS]કેમ કે તેઓએ અદોમના રાજાના હાડકાં બાળીને ચૂનો કરી નાખ્યો. [QE]
2. [QS]હું મોઆબ પર અગ્નિ મોકલીશ. [QE][QS]અને તે કરિયોથના કિલ્લેબંધીવાળા મહેલોને ભસ્મ કરી દેશે. [QE][QS]મોઆબ હુલ્લડમાં, ઘોંઘાટમાં, [QE][QS]તથા રણશિંગડાના અવાજમાં નાશ પામશે. [QE]
3. [QS]હું તેના ન્યાયાધીશને નષ્ટ કરી નાખીશ [QE][QS]અને તેની સાથે તેના સર્વ સરદારોને મારી નાખીશ,” [QE][QS]એમ યહોવાહ કહે છે; [QE]
4. [QS]યહોવાહ આ પ્રમાણે કહે છે; [QE][QS]''યહૂદિયાના ત્રણ ગુનાને લીધે, [QE][QS]હા ચારને લીધે, [QE][QS]હું તેઓને શિક્ષા કર્યા વગર રહીશ નહિ. [QE][QS]કેમ કે તેઓએ યહોવાહના નિયમોનો અનાદર કર્યો છે, [QE][QS]અને તેમની આજ્ઞાઓ પાળી નથી. [QE][QS]જે જૂઠાણાંની પાછળ તેઓના પૂર્વજો ફરતા હતા [QE][QS]તે જૂઠાણાંએ તેઓને ખોટે માર્ગે દોર્યા છે. [QE]
5. [QS]હું યહૂદિયા પર આગ લગાડીશ [QE][QS]અને એ આગ યરુશાલેમના કિલ્લેબંધીવાળા મહેલોને નષ્ટ કરશે.” [QE]
6. [QS]યહોવાહ આ પ્રમાણે કહે છે; [QE][QS]''ઇઝરાયલના ત્રણ ગુનાને લીધે, [QE][QS]હા ચારને લીધે, [QE][QS]હું તેઓને શિક્ષા કર્યા વિના છોડીશ નહિ, [QE][QS]કેમ કે તેઓએ રૂપાને સારુ ન્યાયી લોકોને વેચ્યા છે [QE][QS]અને ગરીબોને પગરખાંની જોડના બદલામાં વેચ્યા છે. [QE]
7. [QS]તેઓ ગરીબોના માથા પરની પૃથ્વીની ધૂળને માટે તલપે છે, [QE][QS]અને નમ્ર લોકોને સાચા માર્ગમાંથી દૂર ધકેલી દે છે. [QE][QS]પિતા અને પુત્ર એક જ સ્ત્રી પાસે ગયા છે [QE][QS]અને મારા પવિત્ર નામ પર બટ્ટો લગાડ્યો છે. [QE]
8. [QS]તેઓ દરેક વેદીની બાજુમાં ગીરવે લીધેલાં વસ્ત્રો પર સૂઈ જાય છે. [QE][QS]અને તેઓ ઈશ્વરના સભાસ્થાનમાં આવતા લોકો પાસેથી દંડ તરીકે લીધેલા નાણાંનો દ્રાક્ષારસ પીએ છે. [QE]
9. [QS]તોપણ અમોરીઓ જેઓની ઊંચાઈ એરેજવૃક્ષોની ઊંચાઈ જેટલી હતી; [QE][QS]અને જે એલોન વૃક્ષના જેવા મજબૂત હતા, [QE][QS]તેઓનો મેં તેઓની આગળથી નાશ કર્યો, [QE][QS]મેં ઉપરથી તેઓનાં ફળનો, [QE][QS]અને નીચેથી તેઓના મૂળિયાંઓનો નાશ કર્યો. [QE]
10. [QS]વળી, હું તમને મિસરમાંથી બહાર લઈ આવ્યો, [QE][QS]અને મેં તમને અરણ્યમાં ચાળીસ વર્ષ સુધી દોરીને, [QE][QS]અમોરીઓના દેશનું વતન આપ્યું. [QE]
11. [QS]મેં તમારા દીકરાઓમાંથી કેટલાકને પ્રબોધકો [QE][QS]અને તમારા જુવાનોમાંથી કેટલાકને નાઝીરીઓ તરીકે ઊભા કર્યા.'' [QE][QS]યહોવાહ એમ જાહેર કરે છે કે, [QE][QS]''હે ઇઝરાયલી લોકો, [QE][QS]શું એવું નથી?'' [QE]
12. [QS]“પણ તમે નાઝીરીઓને દ્રાક્ષારસ પાયો [QE][QS]અને પ્રબોધકોને આજ્ઞા કરી કે, પ્રબોધ કરશો નહિ. [QE]
13. [QS]જુઓ, જેમ અનાજના પૂળાથી ભરેલું ગાડું કોઈને દબાવી દે છે, [QE][QS]તેમ હું તમને તમારી જગ્યાએ દબાવી દઈશ. [QE]
14. [QS]અને વેગવાનની દોડવીરની શક્તિ ખૂટી જશે; [QE][QS]બળવાનની તાકાત લુપ્ત થઈ જશે; [QE][QS]અને શૂરવીર પોતાનો બચાવ કરી શકશે નહિ. [QE]
15. [QS]ધનુર્ધારીઓ ટકી શકશે નહિ; [QE][QS]અને ઝડપથી દોડનાર પોતાનો બચાવ કરી શકશે નહિ; [QE][QS]અને ઘોડેસવારો પણ પોતાનો જીવ બચાવી શકશે નહિ. [QE]
16. [QS]યોદ્ધાઓમા સૌથી બહાદુર પણ, [QE][QS]તે દિવસે શસ્ત્રો મૂકી નાસી જશે.” [QE][QS]એવું યહોવાહ જાહેર કરે છે. [QE]